ليه ترهل الجفون بيبقى أمر مزعج؟
ترهل الجفون بيكون مزعج لأنه بيخلي الشخص يظهر بمظهر أكبر سناً، وبالأخص عند السيدات، كمان ترهل الجفون ممكن يتسبب في أضرار للعين، زي الالتهابات والحساسية، خصوصاً لما تكون درجة الترهل شديدة، وبيصاحبها صعوبة في فتح العين، كمان ممكن الترهل يعمل حجب كلي أو جزئي للرؤية.
ليه بتترهل الجفون العلوية أو السفلية؟
بيقول د.ياسر بادي إن من أهم أسباب ترهل الجفون العلوية أو السفلية هو التقدم في السن، وده لأن الجلد بيفقد جزء كبير من مرونته، ودا بسبب نقص إنتاج الكولاجين في الجلد، ومن المعروف أن الكولاجين هو المسؤول عن حيوية وشباب الجلد، وبيمنعه من الترهل.
إزاي بتتم عملية قص الجفون؟
زي ما بيوضح دكتور ياسر بادي، العملية سهلة وبسيطة، بتتم تحت تأثير البنج الموضعي، وبيتم عمل فتحة بعرض الجفن، بيتم من خلالها التخلص من الأكياس الدهنية الي بتسبب الشكل المنتفخ للعين، وكمان بيتم التخلص من الجلد المترهل، عشان في النهاية نحصل على شكل عين أجمل وأكثر حيوية.
هل عملية قص الجفون خطيرة؟
طبقاً لكلام د.ياسر بادي عملية شد الجفون سواء العلوية أو السفلية هي عملية بسيطة وآمنة جدا، بدليل أنه بيتم إجراؤها تحت تأثير البنج الموضعي، والمريض بيقدر يغادر المستشفى بعد العملية مباشرة.
متى يلتئم جرح قص الجفن؟
بتختلف مدة التعافي والتئام جرح عملية قص الجفون من شخص لآخر، ولكن بشكل عام وطبقاً للدكتور ياسر بادي بتتراوح مدة التعافي المبدئي والتئام جرح عملية قص الجفن من 10 -15 يوم، بيختفي فيها التورم والكدمات وبتتحسن حالة الجلد.
كم مدة عملية قص الجفون؟
بيوضح دكتور ياسر بادي أن المدة بتختلف حسب الإجراءات الي هيتم تنفيذها داخل العملية، وهل يتم تجميل الجفن العلوي، أم الجفن العلوي والسفلي مع بعض، وبشكل عام مدة العملية بتتراوح بين نصف ساعة وحتى ساعة واحدة.
هل يوجد ألم بعد عملية قص الجفون؟
بيجيب الدكتور ياسر بادي بأنه من الطبيعي الشعور بآلام خفيفة بعد العملية، ولكن بيتم التحكم فيها والتخفيف من حدتها عن طريق المسكنات الي بيتم وصفها للمريض بعد العملية، كمان ممكن المريض يحس بالتنميل أو الوخز أو الشعور بعدم الارتياح بشكل عام، وكلها أعراض طبيعية خلال الفترة اللي بعد العملية، وهتختفي بمرور الوقت.
كم سعر عملية قص الجفون في مصر؟
بالنسبة لتكلفة عملية قص الجفون لازم يتم زيارة الطبيب عشان يقوم بالكشف وتحديد التكلفة بشكل دقيق، ودا عشان التكلفة بيأثر عليها حاجات كثير من أهمها درجة الترهل، وكمية الجلد والدهون الي هيتم إستئصالها، وهيتم تجميل الجفون العلوية ولا العلوية والسفلية، عشان كدا لازم تزور الطبيب عشان تتأكد من التكلفة بشكل دقيق.